KOPENHAGË, 26 janar /ATSH-DPA/-Norvegjia ka planifikuar të ofrojë trajnime për rreth 100 ushtarë ukrainas në pranverë.
“Ukraina ka nevojë për më shumë ushtarë të trajnuar për të luftuar kundër forcave pushtuese ruse. Ata gjithashtu duhet të zgjerojnë aftësitë e tyre në disiplina të ndryshme”, tha ministri norvegjez i Mbrojtjes, Bjorn Arild Gram për gazetën “Dagens Næringsliv”.
Do të ofrohen trajnime në kujdesin mjekësor dhe trajnime ushtarake speciale të cilat do të zgjasin pesë deri në gjashtë javë.
Deri më tani, Norvegjia ka trajnuar vetëm ushtarë ukrainas për përdorimin e pajisjeve që vendi skandinav i ka ofruar Ukrainës në luftën kundër Rusisë.//a.i/