Cal, 59 vjeç dhe Linda, 66 vjeç, nga Dunham, Michigan, vdiqën të dielën nga COVID-i.
Ata u ndjenë keq në fillim të muajit, tha vajza e tyre Sarah Dunham.
“Babai im më thirri dhe më tha se nuk ndihej më mirë, por që ai mendonte se ishin sinuse. Pastaj edhe nëna ime u ankua dhe tha se ajo kishte marrë një ftohje prej tij,” i tha vajza Fox17.
Ditën e tretë ata i thanë se duhej të shkonin sepse nuk ndiheshin mirë. Brenda pak ditësh, ata përfunduan në spital, dhe më pas në aparatet e frymëmarrjes.
Të dielën, mjekët njoftuan familjen se nuk mund të bënin më shumë. Shtrati i Calit u çua më pas në dhomën e Lindës. Ata vdiqën pranë njëri -tjetrit, duke u kapur për dore. Cal në 11.07, Linda në 11:08.
Ai dhe gruaja e tij u vaksinuan kundër COVID në maj. Në atë kohë, ata gjithashtu mburreshin me të në rrjetet sociale dhe fituan urime të shumta. Mediat shkruajnë se ata kishin probleme shëndetësore edhe para Coronës.
Vajza e tyre tha se Cal dhe Linda bënë gjithçka së bashku në jetë, shkuan në kishë, shkuan në udhëtime, shijuan familjen, nipërit dhe mbesat…
“Dashuria e tyre, të cilën ata e gjetën pas martesave të mëparshme, ishte fantastike. Ata ishin njerëz që do t’i shikonit dhe do të mendonit se doni të jeni të tillë kur të plakeni, se doni një dashuri të tillë në moshën e tyre,” tha Sara.
“Ajo gjithmonë bënte shaka, duke i thënë atij ‘do të shkosh para meje, por unë do të të ndjek ty, të premtoj’. Dhe ajo me të vërtetë e ndoqi atë,” tha vajza. /tesheshi.com/