Jo vetëm Kristjan Asllani. Interi është hedhur në sulm për një tjetër futbollist të kombëtares shqiptare. Këtë herë bëhet fjalë për mbrojtësin e Atalantës, Berat Gjimshiti.
Sipas asaj që raportohet në mediat italiane, pasi dështoi pista Gleison Bremer, drejtuesit zikaltër po ndjekin me vëmendje Berat Gjimshitin. Ky i fundit konsiderohet si një alternativë në rast se dështon edhe pista Nikola Milenkovic.
Sakaq, Beppe Marotta po mendon të ofrojë një lojtar në shkëmbim për të marrë kartonin e Gjimshitit. Zikaltrit kanë ofruar Andrea Pinamontin i cili po kërkohet nga bergamaskët, ndërsa vlerësohet rreth 20 milionë euro nga Interi. /oversport.tv
