Folësja ikonë e lajmeve, Besa Çeku Buçinca, sonte paralajmëroi se do të jetë edhe edicioni i saj i fundit i udhëhequr nga ajo, pranë Radio Televizionit të Kosovës – RTK.
Znj. Çeku Buçinca pas shumë vitesh pranë publikut të Kosovës, sonte e përfundoi karrierën e saj shumë vjeçare prej prezantueseje të lajmeve qendrore në televizionin publik.
Prezantuesja njëherësh ikona e lajmeve, dikur në Radio Televizionin e Prishtinës, dhe viteve të fundit pranë RTK-së, para disa vitesh u tërhoq nga ekrani, mirëpo sonte ajo zyrtarisht pushon aktivitetin e saj publik pas pensionimit. Ajo mbahet mënd edhe për kontributin e angazhimin e saj pranë Radio Televizionit Shqiptar në fund-vitet e 90-të.
AGK-ja i uron pensionimin znj. Çeku Buçinca, njëherësh e falënderon për kontributin e dhënë për profesionin, e cila padyshim do të mbetet një nga zërat më unik të Radios dhe Televizionit në Kosovë.
