Largimi i Pele nga jeta në moshën 82-vjeçare ka kthyer futbollin në ditë zie. Shumë personazhe publik reaguan për këtë ngjarje dhe lajmet e publikuara kanë qenë të shumtë. Së fundmi nga “Celebrity Net Worth” është zbuluar edhe pasuria që Pele i ka lënë pasardhësve të tij.
Pavarësisht faktit se legjenda e futbollit e ka zhvilluar karrierën e tij në një kohë kur shifrat ekonomike nuk ishin të nivelit që janë në ditën e sotme, ai gjithsesi ishte ndër lojtarët më të paguar të kohës. Pasuria e tij neto që iu trashëgua pasardhësve të tij kap vlerën e rreth 100 milionë dollarë.
Pele nuk ka grumbulluar para vetëm nga bota e futbollit dhe sponsorat, pasi ai ka preferuar që të investojë edhe në pronat e patundshme.