Kategoria e Parë do të rikthehet këtë fundjavë në ekranin e Oversport dhe Tibo për të zhvilluar ndeshjet e javës së 11-të. Kjo javë që do të luhet e ndarë në tre ditë do të sjellë përballje mjaft interesante për shikuesit.
Java starton të shtunën në orën 12:30 me supersfidën Dinamo-Lushnja, që do të transmetohet live në Oversport dhe Tibo. Blutë kërkojnë një tjetër sukses që të mos e lëshojnë kreun (janë në kuotë të barabartë pikësh me Flamurtarin), ndërsa lushnjarët synojnë të lënë pas krahëve krizën e rezultateve.
Të dielën do të luhen 5 takime të tjera të Kategorisë së Parë: Skënderbeu do të presë në shtëpi Turbinën, ndërsa Korabi do të luajë në transfertë përballë Burrelit. Tërbuni do të presë Luzin, Besa do të luajë kundër Orikut në transfertë, ndërsa në Lezhë do të luhet një sfidë interesante mes Besëlidhjes dhe Apolonisë.
Java e 11-të do të mbyllet të hënën me takimin Tomori-Flamurtari që do të transmetohet live në Oversport dhe Tibo. / Oversport.tv
Kategoria e Parë / Java e 11-të
E shtunë 10 dhjetor
Dinamo-Lushnja 12:30
E dielë 11 dhjetor
Tërbuni-Luzi 13:00
Oriku-Besa 13:00
Skënderbeu-Turbina 13:00
Burreli-Korabi 13:00
Besëlidhja-Apolonia 13:00
E hënë 12 dhjetor 22
Tomori-Flamurtari 12:30