Në “Fadil Vokrri”, sot zhvillohet ndeshja Kosovë – Shqipëri

by admin
Spread the love

Përfaqësuesja e Kosovës në konkurrencën e femrave e ka zhvilluar dje stërvitjen e fundit para ndeshjes me Shqipërinë.

“Dardanet” nën reshjet e pandërprera të shiut, kanë zhvilluar aktivitetet stërvitore në stadiumin “Fadil Vokrri”, aty ku edhe do të zhvillohet ndeshja ndërmjet dy kombëtareve ditën e martë (sot).

Përzgjedhësja e Kosovës, Afërdita Fazlija, në konferencë për media shprehu optimizëm, duke shpresuar në rezultat pozitiv.

Kosova vjen në këtë përballje pas humbjes nga Polonia, teksa në Grupin F të eliminatoreve për Kampionatin Botëror ka pikë të barabarta me Shqipërinë.

Takimi Kosovë – Shqipëri fillon në orën 16:00.

You may also like