Sapo është mbyllur një javë plot emocione e kampionatit shqiptar të futbollit, por Abissnet Superiore rikthehet sërish të premten në Oversport dhe Tibo për të luajtur ndeshjet e javës së shtatë.
Të premten do të luhen tre ndeshje të kampionatit. Erzeni do të përballet me Egnatian në “Niko Dovana” në orën 15:00, ndërsa Tirana do të presë në shtëpi Laçin në orën 17:45. Fillimisht sfida e bardhebluve ishte programuar për tu luajtur në orën 15:00, por më pas është vendosur që kampionët e Shqipërisë të luajnë kundër Laçit në orën 17:45.
Në po të njëjtin orar në Shkodër do të luhet superndeshja e kësaj javë në futbollin shqiptar, përballja Vllaznia-Partizani.
Java e shtatë do të mbyllet të shtunën me takimet Kukësi-Bylis dhe Kastrioti-Teuta, që do të luhen në orën 15:00. Të gjitha takimet mund ti ndiqni live dhe ekskluzivisht në Oversport dhe Tibo. / Overport.tv
Superiore / Java e 7-të
E premte / 7 tetor
Erzeni-Egnatia ora 15:00
Tirana-Laçi ora 17:45
Vllaznia-Partizani ora 17:45
E shtunë / 8 tetor
Kukësi-Bylis ora 15:00
Kastrioti-Teuta ora 15:00