Napoli ka pësuar humbje befasuese në shtëpi nga Empoli, në kuadër të xhiros së 14-të.
Ishte Empoli që arriti t’i arkëtoi pikët e plota me vetëm një gol të shënuar.
Napoli në fakt gjeti golin përmes Jesus, mirëpo u anulua nga VAR-i për pozitë jashtë loje.
Ishte Cutrone që realizoi në minutën e 71-të për t’i dhënë epërsinë Empolit, njëkohësisht për t’i dhuruar fitoren.
Nga fillimi startuan edhe futbollistët shqiptar – Nedim Bajrami dhe Ardian Ismajli për Empolin, dhe Rrahmani për Napolin.
Ardian Ismajli tregoi një ndeshje shumë të mirë në repartin defansiv, ku edhe u vlerësua me notën 7.8, një nga më të lartat.
Kurse, edhe Bajrami zhvilloi një paraqitje të mirë, duke rrezikuar disa herë portën e Ospinas, ku edhe në fund u vlerësua me notën 7.2.
Amir Rrahmani padyshim ishte nga më të mirët te Napoli, ku edhe u vlerësua me notën 7.3.
Me këtë fitore, Empoli u ngrit në pozitën e shtatë me 26 pikë, derisa Napoli bie në pozitën e katërt me 36 sosh.
