MV – Arben Taravari shpall kandidaturën për president

by admin
Spread the love
1a7253ebfd94147be1a9016b1f9dc492.jpeg

GOSTIVAR, 15 shkurt /ATSH-MIA/ – Kryetari i Aleancës për Shqiptarët (ASH) dhe kryetari i komunës së Gostivarit, Arben Taravari deklaroi sot se do të jetë kandidat për president i vendit.

Kandidatura e tij është propozim i Kryesisë së ASH-së, me mbështetje nga partitë opozitare të shqiptarëve, të bashkuar në koalicionin “Lidhja Evropiane për Ndryshim” (LEN).

“Është privilegj të të besojnë kaq shumë faktorë. Ka ardhur koha që shteti të ketë presidenti shqiptar, jo teknik, por të vërtetë”, tha Taravari në konferencën për shtyp në Gostivar, në të cilën morën pjesë liderët e tre partive nga LEN, Izet Mexhiti i Lëvizjes Demokratike, Afrim Gashi i Alternativës dhe Bilal Kasami i Lëvizjes Besa.

Ai paralajmëroi se do të kërkojë mbështetje nga të gjitha partitë politike që konsiderojnë se ai është njeriu që duhet ta udhëheqë vendin në pesë vitet e ardhshme, si dhe nga organizatat joqeveritare, ndërsa siç tha, para së gjithash, nga populli që është më e rëndësishme.

Ai do të kandidojë pas dorëzimit të 10 000 nënshkrimeve, të cilat pret t’i mbledhë brenda dy ditëve.

“Propozimi është i një muaji më parë, këmbëngulja ishte nga miqtë, shokët… biseduam me partitë opozitare, tashmë jemi një opozitë e përbashkët shqiptare, të shtunën do ta zyrtarizojmë këtë dhe erdhëm në përfundimin se do të ishte më mirë për mua të kandidoja për president. Unë kam vendosur mbrëmë vonë të kandidoj”, tha Taravari./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

You may also like