Mungesë e madhe për Shqipërinë ndaj Polonisë, Cikalleshi pozitiv me Covid 19

by admin
Spread the love

Një lajm i keq për trajnerin e kombëtares shqiptare Edoardo Reja pak orë para “finales” ndaj Polonisë që mund të vendosë fatet e kuqezinjëve në grupin I kualifikues të eliminatoreve Katar 2022.

Sulmuesi Sokol Cikalleshi do të mungojë në ndeshjen vendimtare të Kombëtares ndaj Polonisë, që luhet të martën në “Air Albania” e vlefshme për eliminatoret e Botërorit “Katar 2022”.

Departamenti i Komunikimit në FSHF bën me dije se futbollisti kuqezi ka rezultuar pozitiv në testet me tampon të kryera nga Kombëtarja sot. Pas daljes së analizave Cikalleshi është larguar nga grumbullimi për të nisur karantinën dhe nuk ka marrë pjesë në seancën e sotme stërvitore.

Përveç tij, të gjithë lojtarët e tjerë dhe stafi teknik kanë rezultuar negativë. Kësisoj, trajneri Edy Reja do të ketë katër mungesa në sfidën ndaj Polonisë dhe më konkretisht Bekim Balaj e Berat Gjimshiti të dëmtuar, Endri Çekiçi i skualifikuar dhe Sokol Cikalleshi.


Top Channel

You may also like