Muller do të tërhiqet nga futbolli ndërkombëtar

by admin
Spread the love

Sulmuesi i Bayern Munchenit, Thomas Muller do të pensionohet nga Kombëtarja e Gjermanisë.

Muller në një intervistë ka dhënë sinjale se paraqitja e tij e fundit me Gjermaninë do të jetë në “Euro 2024”, turne në të cilin u eliminuan në çerekfinale.




Reklamë

Reklamë
ADVERTISEMENT

“Realisht, është shumë e mundur që kjo ishte paraqitja ime e fundit te Gjermania. Kështu që, do të ulem të flas me trajnerin dhe së shpejti do ta komunikoj vendimin”, ka thënë Muller.

Muller ishte pjesë e Gjermanisë në këtë turne por nuk pati shumë hapësirë.

Në total prej pesë ndeshjeve të Gjermanisë, Muller regjistroi vetëm dy paraqitje duke u inkuadruar nga stoli.

34-vjeçari në vitin 2010 ka debutuar te Gjermania dhe deri më tani ka regjistruar 131 paraqitje dhe ka shënuar 45 gola.

Pas eliminimit të Gjermanisë edhe mesfushori Toni Kroos e konfirmoi pensionimin nga futbolli aktiv.

Muller është pjesë e Bayernit dhe me këtë ekip ka kontratë deri në vitin e ardhshëm.

You may also like