Roma mundi CSKA Sofia 3-2 në Bullgari dhe kryesoi grupin e saj të Ligës së Konferencës, por Jose Mourinho nuk ishte i disponuar për festë. Borja Mayoral ishte një nga të vetmet pozitive.
‘Giallorossi’ ishin në avantazh 3-0 me anë të një goditjeje të Tammy Abraham dhe goditjes së bujshme të Mayoral me takë prapa, por ngritën këmbët dhe pësuan dy gola në fazat e mbylljes.
Ata ishin në gjendje të fitonin grupin sepse Zorya mbajti Bodo/Glimt në një barazim befasues 1-1.
“Ne nuk mund të vazhdojmë të krijojmë probleme për veten tonë”, tha një Mourinho i irrituar për ‘Sky Sport Italia’.
“Nuk është e mundur që ne të fitojmë 2-0 për 45 minuta, pastaj të humbasim topin në mënyrë të përsëritur dhe të ulemi shumë thellë. Dy golat që pësuam janë të papranueshëm.
“Jam i lumtur vetëm sepse fituam dhe Zorya e bëri detyrën, por kjo është e vetmja gjë që më bën të lumtur sonte”.
Ishte gjithashtu goli i parë i Mayoral këtë sezon, një goditje e mrekullueshme me takë prapa.
“Ai ishte një nga të paktët pozitivë. Goli i tij ishte i bukur, por më pëlqeu edhe puna që bëri. Nuk jam i befasuar, sepse ai gjithmonë punon shumë.”
Fitimi i grupit e dërgon Romën direkt në raundin e 16-të të Ligës së Konferencës, duke shmangur një play-off me dy ndeshje në shkurt.
“Ne nuk kemi skuadër për të luajtur dy ndeshje shtesë. Ne ishim me fat, sepse ai raund shtesë do të ishte vërtet diçka që nuk na duhej”, ka përfunduar portugezi.
