MOSKE, 11 prill /ATSH-DPA/ – Grupi mercenar rus Wagner deklaruan se ata kanë pushtuar pjesën më të madhe të qytetit të diskutueshëm të Bakhmutit në Ukrainën lindore pas muajsh luftimesh.
“Shumica e Bakhmutit, në fakt më shumë se 80 për qind është nën kontrollin tonë,” tha shefi i Wagner Yevgeny Prigozhin në një video të postuar nga një bloger ushtarak rus.
Raporti nuk mund të verifikohej në mënyrë të pavarur.
Prigozhin tha se luftimet vazhdojnë në zonat e banuara me ndërtesa të larta, por se të gjitha zonat industriale dhe ndërtesat komunale janë në zotërim të Rusisë.
Komentet e tij përkonin me gjetjet e ekspertëve perëndimorë, si Instituti për Studimin e Luftës me qendër në Uashington.
Prigozhin konfirmoi gjithashtu se forcat e rregullta ruse po mbronin krahët e mercenarëve Wagner, me njësi ajrore të dislokuara në veri dhe në jug të qytetit të shkatërruar. /os/
