MOSKE, 4 gusht /ATSH-DPA/ – Forcat ruse thonë se po fitojnë terren në luftime të ashpra jashtë qytetit lindor të Ukrainës, Donetsk.
Zëdhënësi i Ministrisë së Mbrojtjes, Igor Konashenkov tha se për shkak të humbjeve të mëdha, disa brigada ukrainase u tërhoqën nga pozicionet e tyre pranë Soledar, Avdiivka dhe Bakhmut.
Raportet nuk mund të verifikohen në mënyrë të pavarur.
Shtabi i përgjithshëm ukrainas, në buletinin e tij të përditshëm, deklaroi se situata në ato tre vende është normale.
“Armiku nuk pati sukses në të gjitha seksionet e përmendura dhe u tërhoq”, thanë gjeneralët.
Nëse vende si Bakhmut do të binin në duart e forcave ruse, kjo do të hapte rrugën për trupat ruse në periferi të qyteteve të mëdha si Sloviansk dhe Kramatorsk.
Më shumë se gjysmë milioni njerëz jetonin atje para luftës. /os/