Ministri i Jashtëm i Malit të Zi thotë se demarkacioni me Kosovën është punë e kryer

by admin
Spread the love

Ministri i Punëve të Jashtme të Malit të Zi, Gjorgje Raduloviq, ka pritur sot në Podgoricë ambasadoren e re të Kosovës, Ariana Zherka-Hoxha.

Raduloviq ka thënë se raportet e mira në mes të dy shteteve janë konfirmuar qysh në vitin 1999 kur Mali i Zi i kishte hapur dyert për 200 mijë refugjatë nga Kosova, e që sipas Raduloviq ishte një akt që tregoi përkushtimin e Malit të Zi për një harmoni multietnike.

Sipas një komunikate të lëshuar nga Ministria e Jashtme e Malit të Zi, Raduloviq ka thënë se si një shtet i vogël në rajon janë të përkushtuar për bashkëpunim rajonal, stabilitetit dhe paprekshmëri të kufijve të përcaktuar reciprokisht.

Kur ka folur për këtë, shefi i diplomacisë malazeze ka thënë se një shembull i mirë i bashkëpunimit është nënshkrimi i marrëveshjes për kufijtë në mes të dy vendeve në vitin 2018 që sipas Raduloviq “në mënyrë të suksesshme ka kompletuar çështjen e demarkacionit në mes të Malit të Zi dhe Kosovës”.

Lexo lajme interesante

You may also like