Milani rikthehet te fitorja në kampionat, pasi ka mposhtur 2-0 në “San Siro” Bolognan në sfidën e vlefshme për javën e tretë të Serie A, takim që është transmetuar Live dhe ekskluzivisht në Oversport dhe Tibo.
Skuadra e Piolit dominon ndeshjen dhe zhbllokon sfidën në pjesën e parë me Leaon. Bologna mundohet të reagojë në pjesën e dytë, por lë shumë hapësira mbrapa dhe Giroud shënon edhe golin e dytë që mbyll ndeshjen.
Kuqezinjtë u bashkohen Lazios, Romës dhe Torinos në krye të renditjes në kuotën e 7 pikëve.
Ndeshja tjetër e mbrëmjes mes Spezias dhe Sassuolos ka dhuruar 4 gola, por jo fitues. Miqtë shënojnë të parët, por vendasit përmbysin gjithçka që në pjesën e parë. Pinamonti barazon shifrat në pjesën e dytë. Të dyja skuadrat kanë nga 4 pikë në tabelën e klasifikimit. / Oversport.tv