Milani ka katër vjet që nuk fiton në Udinese

by admin
Spread the love

Milani ka katër vjet që nuk fiton në Udinese dhe sot në 20:45 duhet ta thyejë një tabu. Ja statistikat e përballjeve mes tyre:

– Udineze ka fituar dy ndeshjet e fundit kundër Milanit në kampionat dhe asnjëherë në historinë e tyre nuk ka arritur tri suksese radhazi kundër tyre në Serie A.

– Pas suksesit 1-0 në “San Siro”, 4 nëntorin e kaluar, ekipi i Çiofit mund t’i fitojë të dyja ndeshjet në një sezon të vetëm kundër Milanit në Serie A për herë të dytë, pas 2016-17.

– Balancë totale në tetë ndeshjet e fundit në Friuli mes Udinezes dhe Milanit në Serinë A: tri suksese për secilën palë dhe dy barazime. Vendësit fituan atë më të fundit (3-1 më 18 mars 2023).

– Udineze është skuadra që ka barazuar më shumë ndeshje këtë sezon në pesë kampionatet kryesore të Europës: 12 nga 20 (2F, 6H). Skuadra e fundit që ka shënuar po aq barazime pas 20 ndeshjeve të Serisë A këtë sezon ishte Torino në 2007-08. Klubi i fundit që barazoi të paktën 13 nga 21 ndeshjet e para ishte Interi në 2004-05 (14 në atë rast).

– “Djalli” i fitoi të dyja ndeshjet e luajtura në 2024 në Serinë A, në 13 vitet e mëparshme kalendarik vetëm në vitin 2018 kuqezinjtë fituan të tri ndeshjet e para të luajtura në kampionat, duke fituar të katër të parat në atë rast, me Xhenaro Gatuzon në stol.

– Stefano Pioli ka fituar 99 nga 165 ndeshjet në krye të Milanit në ligë, vetëm katër trajnerë kanë arritur 100 suksese me kuqezinjtë në Serinë A: Karlo Ançeloti, Nereo Roko, Fabio Kapelo dhe Nils Liedholm. Midis tyre, ai që ka kaluar kufirin prej 100 fitoresh duke përdorur më pak ndeshje ishte Karlo Ançeloti (165).

– Ajo kuqezi është skuadra, transfertat e së cilës kanë shënuar numrin më të madh të golave në këtë kampionat: 36 gola në total në 10 ndeshje jashtë (mesatarisht 3.6) – 20 në favor të kuqezinjve dhe 16 kundër.

– Nga njëra anë, asnjë ekip nuk ka shënuar më shumë gola se sa Milani në 15 minutat e fundit të pjesëve të para në këtë kampionat (12, njësoj si Interi), nga ana tjetër, Udineze është skuadra që ka pësuar më shumë gola (8) në çerek orëshin e fundit të pjesëve të para.

– Roberto Pereira ka qenë i përfshirë në një gol në secilën nga katër ndeshjet e fundit kundër Milanit në kampionat (dy asistime dhe dy gola), duke përfshirë golin vendimtar nga një penallti në sfidën e fazës parë të fituar 1-0 në “San Siro”. Në 20 sezonet e fundit (që nga 2004-05) vetëm një lojtar ka qenë i përfshirë në të paktën një gol në pesë ndeshje radhazi kundër kuqezinjve në Serinë A: Antonio Di Natale midis 2008 dhe 2011, me fanellën e Udinezes.

– Që nga ardhja e tij në Itali (sezoni 2019-20), Teo Hernandez është mbrojtësi që ka shënuar më shumë gola në Serie A (25). Mes mbrojtësve të Milanit në histori, vetëm Paolo Maldini (29) dhe Aldo Maldera (27) kanë shënuar më shumë gola në ligën e parë.

You may also like