VERONA, 4 korrik /ATSH-ANSA/ – Qytetet italiane të Veronës dhe Pizës po kufizojnë përdorimin e ujit, pasi vendi po përballet me thatësirën më të keqe në dekada.
”Në qytetin verior të Veronës, uji i rubinetit mund të përdoret vetëm për qëllime shtëpiake, pastrim dhe higjienë personale”, njoftuan autoritetet lokale.
Mes fashës orare 06:00-21:00 banorët nuk lejohen të ujitin kopshtet, fushat sportive, të lajnë makina ose të mbushin pishinat.
Jashtë këtyre orëve, njerëzve u kërkohet të përmbahen vullnetarisht nga përdorimi i ujit të rubinetit për këto qëllime.
Masat janë lënë në fuqi deri më 31 gusht dhe shkelësit mund të gjobiten me 500 euro./ /os/
