Katër persona me eksploziv kanë tentuar ta grabisnin bankomatin në Butel. Ngjarja ka ndodhur rreth orës 03:00 pas mesnate, raporton SHENJA.
Ata e kanë aktivizuar eksplozivin por nuk kanë mundur të depërtojnë tek bankomati. Shpërthimi ka qenë i fuqishëm dhe ka shqetësuar banorët në objektet afër.
Katër personat të cilët kanë tentuar të hapin bankomatin nuk kanë arritur në qëllimin e tyre, ndërsa nga shpërthimi janë dëmtuar tre makina të cilët kanë qenë të parkuar në afërsi.
Persona të lënduar nuk ka. Policia është në teren dhe po ndërmerren masa për zbardhjen e rastit.
Më tepër detaje priten gjatë ditës.