Marco Materazzi ka folur për “Sky Sport” përpara fillimit të ndeshjes mes Interit dhe Salernitanës:
“Është gjithmonë një kënaqësi të kthehesh në “San Siro”, këtu ndihem sikur jam në shtëpi. Interi ka treguar se di të luajë futboll dhe këtë e tregoi edhe kundër Genoas, por për fat të keq nuk arriti të shënojë.
Mendoj se e dominuam derbin deri në minutën e 75-të. Tani vijnë ndeshje ku duhet të gjesh energji dhe entuziazëm, ose fatin që ke pasur në ndeshjet e mëparshme”.
Ish-mbrojtësi është tashmë pjesë e “Hall of Fame” të skuadrës zikaltër: “Jam shumë i emocionuar. Kur shoh emrat e atyre që bëjnë pjesë në këtë klub më dridhet mishi. Unë jam dikush që deri në moshën 28-vjeçare kam luajtur në kategoritë inferiore dhe nisa të fitoj kur isha 34 vjeç. Kjo nuk duhet harruar.
Kur sheh lojtarë si Bergomi, Zanetti, Facchetti, ndihesh krenar që je pjesë e Hall of Fame”, ka përfunduar Materazzi. / Oversport.tv
Foto: Inter Twitter