Manchester United vazhdon të kërkojë për një trajner cilësor, për të zëvendësuar gjermanin Rangnick, i cili erdhi në pankinën e “Djajve të Kuq” për ta mbajtur këtë pozicion deri në qershor.
“Manchester Evening News” shpjegon se drejtuesit e United po përshpejtojnë për gjetjen e njeriut të përshtatshëm. Dy janë kandidatët kryesorë: Pochettino, i cili mund të largohet nga PSG (vendin e tij mund ta marrë Zidane) dhe Ten Hag, trajneri i Ajaxit.
Sa i përket merkatos së futbollistëve, United planifikon një transferim prej 50 milionë eurosh.
John McGinn, mesfushori 27-vjeçar i Aston Villas, është në listën e dëshirave të “Djajve të Kuq”. Mediet britanike sqarojnë se United, me rekomandimin e Sir Alex Ferguson dhe Darren Fletcher, ia ka vënë syrin mesfushorit skocez, kartoni i të cilit vlerësohet në 50 milionë euro.
Top Channel
