Fituesi i “Big Brother VIP 2” Luiz Ejlli tashmë publikoi një tjetër këngë, e cila padyshim u prit me shumë padurim nga ndjekësit e artistit.
Me këngën “Përjetësisht” këngëtari më i përfolur i momentit pritet të thyejë rekorde. Ekskluzivisht për Top Channel, përpara publikimit u mësua një pjesë e tekstit me fjalë të ndjera, që duket se është dhe historia e jetës së tij dhe dashurisë që gjeti në shtëpinë më të famshme në Shqipëri.
Fryma e fundit:
Shpresa e fundit ishe ti
Kur jeta më mundi
Rrugën e gjeta te ti
Nuk e di a të meritoj pasha dy sytë në ballë
Kam një jetë që po të kërkoj
Unë si ty kurrë s’kam pa…
Balada e dashurisë u publikua në kanalin e tij zyrtar në YouTube, i cili shënoi pas hapjes mbi 50 mijë subscripe në 24 orë.
Ai ka vendosur të vijë me një solo, pas bashkëpunimit shumë të suksesshëm me artistin Donald Veshaj, që arriti miliona shikime.
