Daniel Lorer i koalicionit “Ndryshimi vazhdon”, i cili konsiderohet si kandidati më serioz për ministër të Jashtëm në qeverinë e re në Sofje, i për “BTV” tha se 14 dhjetori nuk është afat realist për arritjen e një marrëveshjeje të plotë me Maqedoninë e Veriut.
Siç raportoi korrespondenti i MIA-s nga Sofja, sipas Lorerit, nëse mbetet vetëm historia për të lëvizur negociatat mes Bullgarisë dhe Maqedonisë së Veriut, nuk do të jetë një rezultat mjaft i mirë për të dyja palët.
Sipas Lorerit, do të hapen diskutime shtesë për ecurinë ekonomike mes dy vendeve.
“Respektimi i të drejtave të bullgarëve maqedonas është i një rëndësie të madhe, tha ai, dhe shtoi se negociatat ishin të pashmangshme bazuar në fakte, jo spekulime nëse ato të drejta ishin shkelur. Dhe bisedimet për historinë do të ecin paralelisht, që edhe Sofja edhe Shkupi të jenë të kënaqur”, shtoi Lorer.
Ai vlerësoi se komisioni i përbashkët historik mes Shkupit dhe Sofjes nuk propozon përparim dhe të dyja palët ndihen të pakënaqur me atë që po ndodh dhe duhet gjetur një formulë e re. Funksioni i tij, thotë ai, duhet të jetë të ndihmojë, por jo të jetë unik në atë proces.
Lorer shton se mosmarrëveshja ishte e thellë dhe ato diskutime duhet të kalojnë rrugën e tyre dhe kjo po ndodh mes të gjitha kombeve fqinje në Ballkan.
