Gjatë fundjavës, reperja shqiptare Loredana u shfaq krah për krah me ish-lojtarin e FCB-së, Edon Zhegrova në storjen e saj në Instagram, duke ndezur thashethemet
Gushtin e kaluar, reperja Loredana (26) ndau me fansat e saj në Instagram se ajo dhe Mozzik (26) po shkojnë sërish në rrugë të ndara. “Ne jemi vetëm dy njerëz kokëfortë që nuk mundemi as me e as pa njëri-tjetrin”, ka shkruar reperja.
Ndarja nuk do të ndryshojë asgjë në situatën familjare: Loredana thekson vazhdimisht se ajo dhe Mozzik kanë ende një marrëdhënie shumë të mirë – edhe për hir të vajzës së tyre Hanës (3), shkruan “Blick”.
Pak muaj më parë këngëtarja tha për “Promiflash” se aktualisht nuk është në kërkim të një mashkulli të ri. “Jam shumë e lumtur me vetveten, kjo mund të tingëllojë arrogante – por e shijoj jetën time”, thotë Loredana, transmeton portali Shtegu.
Por ajo shton: “Unë besoj përsëri në dashurinë e vërtetë dhe jam shumë e interesuar për të”. A është sërish e dashuruar? Një foto që 26-vjeçarja ka postuar gjatë fundjavës ka ndezur thashethemet.
Loredanën mund ta shihni krah për krah me ish-lojtarin e FCB-së, Edon Zhegrova (23). Futbollisti shqiptar aktualisht është nën kontratë me klubin francez OSC Lille. Të dy duken mjaft të njohur. Marrëdhënia mes tyre nuk është ende e qartë.
