Robert Lewandowski mbetet në qendër të vëmendjes. Një ditë më parë mediat në Gjermani raportuan se sulmuesi u ka komunikuar drejtuesve dëshirë për t’u larguar në verë.
“Sport1” ka listuar arsyet pse polaku do të largohet dhe ato janë tre: tentativa për të blerë Haaland e ka zhgënjyer, mungesa e një ofertë zyrtare po ashtu, si dhe raporti me trajnerin Julian Nagelsmann.
Lewandowski mendon se skema e trajnerit nuk e ndihmon atë për të treguar vlerat dhe për të shënuar sa do. Në zhurmën e gjithë këtyre diskutimeve, ka vendosur të reagojë presidenti i Bayern Munich.
Herbert Hainer ka qenë i qartë në deklaratën e tij për goleadorin e skuadrës: “Robert Lewandowski ka kontratë me Bayern Munich deri më 30 qershor 2023 dhe do ta zbatojë atë”. / oversport.tv
❗President Herbert Hainer: “Robert Lewandowski has a contract with FC Bayern until June 30, 2023 – and he will fulfill it” [@kessler_philipp, @mano_bonke] pic.twitter.com/3xXaXuJijP
— Bayern & Germany (@iMiaSanMia) May 13, 2022
Foto: FC Bayern Munchen, Facebook
