Lejoi vajzat të falen përkrah djemve, arrestohet kleriku në Indonezi

by admin
Spread the love

Një klerik mysliman është arrestuar në Indonezi, nën akuzat për blasfemi ose siç njihet ndryshe fyerje ndaj Zotit dhe gjuhë të urrejtjes, shkak është lejimi i vajzave të falen përkrah djemve.

77-vjeçari i identifikuar si Panji Gumilang, i cili drejton një shkollë me konvikt, bëri veprimin që shkaktoi zemërim të ashpër në kombin më të madh në botë me shumicë myslimane.

Në të kaluarën shkolla, shtëpia e afërsisht 5,000 studentëve, është përballur me reagimin e publikut lidhur me praktikat e saj, si lejimi i djemve dhe vajzave që të falen përkrah njëri-tjetrit dhe grave të bëhen imamë.

Ndryshe nga shkollat e tjera të konviktit islamik në Indonezi, seancat e saj të lutjeve nuk ndjekin ndarjen gjinore, duke zemëruar disa grupe fetare.

Në qershor, Këshilli Klerik Islamik i Indonezisë tha se po hetonte Al-Zaytun për “praktika të gabuara fetare”, ndërsa 77-vjeçari rrezikon burg deri në 10 vite.

Barazia gjinore që kleriku ka krijuar në shkollën e tij, u denoncua nga disa persona, e më pas nisën hetimet.

Shumica e shkollave të zakonshme të Islamit në mbarë botën ndajnë burrat dhe gratë gjatë faljeve dhe nuk i lejojnë gratë të kryejnë lutje të përziera gjinore ose të mbajnë predikime, por në Indonezi predikuesi mysliman bëri të kundërtën.

Grupet e të drejtave thonë se liria dhe toleranca fetare janë nën kërcënim në Indonezi dhe ligjet e blasfemisë po forcohen gjithnjë e më shumë kundër pakicave fetare dhe njerëzve që mendohet se kanë kritikuar Islamin.


Top Channel

You may also like