Presidenti i Barcelonës Joan Laporta i bën tifozët të ëndërrojnë edhe njëherë për Lionel Messin. Numri 1 i katalanasve ka dhënë një intervistë për RAC1 ku nuk e ka mohuar mundësinë e rikhtimit të “Pleshtit” me fanellën e Barcelonës.
“Fëmijët më pyesin gjithmonë nëse do të ketë një rikthim të Messit te Barcelona. Unë nga ana ime i them gjithmonë ‘Do të shohim’. Për momentin është një lojtar i PSG dhe nuk dua të hap probleme”.
Një deklaratë kjo që hap sërish mundësitë për një rikthim të Lionel Messit në shtëpi. Kujtojmë që kontrata e yllit argjentinas me PSG skadon në fundin e këtij sezoni dhe mund të transferohet kudo me parametër zero. /oversport.tv
