Kurti premton punësim të komuniteti rom, përmend ndarjen e bursave dhe granteve

by admin
Spread the love

Kryeministri i Kosovës, Albin Kurti, ka premtuar rritje të numrit të të punësuarve të komunitetit rom, për të cilën tha se ka formuar ekipin ndërinstitucional, raporton Ekonomia Online.

Këtë deklarim, shefi i ekzekutivit e bëri në
bashkëbisedimin me përfaqësuesit e komunitetit rom për sfidat dhe mundësitë e
këtij komuniteti, në tryezën e organizuar nga Zyra për Çështje të Komuniteteve
në Zyrën e Kryeministrit.

“Kemi pa zhvillime pozitive për komunitetin. Këtë
muaj kemi formuar ekipin ndërinstitucional dhe jemi të interesuar ta nxisim punësimin
e komunitetit rom dhe jemi duke bërë atë”, tha Kurti.

Shefi i Qeverisë përmendi edhe ndarjen e
bursave për komunitetet rom, ashkali dhe egjiptas. Para këtij komuniteti, Kurti
u zotua se ndarja e granteve do të jenë transparente. Ndërsa për platformën e
krijuar enkas për komunitetet, Kurti ka kërkuar mendim se në çfarë mënyre po
diskriminohen ata.

“MASHTI ka ndarë edhe 500 bursa shtesë për komunitetin
rom, ashkali dhe egjiptas për drejtime të tjera. Sivjet kemi programin për 100
praktikantë. Gjatë muajve të verës zyra për komunitete ka shpall grante, e cila
e ka një buxhet prej 1.5 milion euro. Ne kemi bërë përpjekje që të vendosim një
sistem transparent për ndarjen e fondeve për komunitete. Zyra komunale për
komunitete dhe kthim Janë hallkë e domosdoshme për komunitetet. Një e arritur
shumë e vlefshme është edhe platforma për digjitalen për mbrojtjen e
diskriminimit të komunitetit rom, ashkali dhe egjiptas”.

“Ne përmes kësaj platforme digjitale e luftojmë diskriminimin. Ju ftoj që t’i inkurajoni anëtaret e tjerë të komunitetit që të pasqyrojnë në atë mënyrë që ta dimë se ku po diskriminohen. Të gjitha këto dhe shumë masa të tjera janë në platformën nga Zyra për Qeverisje te Mirë”, tha Kurti.

You may also like