Kryeministri i vendit, Albin Kurti, pas lansimit të ankandit të parë të energjisë solare, tha se USAID-i ishte “dora që na ndihmoi të ngrihemi nga rrënojat e luftës, e tani është dora e partneritet të besueshëm”.
Kreu i qeverisë, administratoren e USAID-it, Samantha Power, e cilësoi si një mike të madhe të Kosovës.
“Gjatë drekës së punës dhe takimit në kryeministri folëm për sigurinë energjetike, tranzicionin energjetik dhe zhvillim të qëndrueshëm, por edhe për zhvillimet e fundit në vend, për qeverisjen, themelimin e Fondit Sovran e për Marrëveshjen Bazike arritur në Bruksel, me mbështetjen e Shteteve të Bashkuara të Amerikës”.
“Nga fjalët në vepra, së bashku me të dhe me ministren Rizvanolli lansuam ankandin e parë të energjisë solare me kapacitet prej 100 megavat, duke çliruar potencialin energjetik të vendit tonë”, shkroi Kurti, transmeton Klankosova.tv.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
