Kurti, një përgjigje “jokompetente” për shaminë – Shqip

by admin
Spread the love

Kryeministri i Kosovës, Albin Kurti, ka thënë se qëndrimi i tij është që vajzat mbi 16 vjeç të lejohen të mbajnë shami si element fetar.

Duke iu përgjigjur pyetjeve të gazetarëve gjatë një vizite në Doganën e Kosovës, Kurti tha se Ministria e Arsimit, Shkencës, Teknologjisë dhe Inovacionit e Kosovës po punon për zgjidhjen e shqetësimeve të qytetarëve të shprehura përmes një fushate për ndryshimin e udhëzimit administrativ që ndalon mbajtjen e shamisë në shkolla nga ana e vajzave.

“Ju e dini qëndrimin tim politik si dikush që e ka thënë këtë shumë herët edhe si aktivist edhe si kryetar i një subjekti që është më i madhi në vend e Kuvend se meqë mund të marrësh letërnjoftimin 16-vjeç, meqë sistemi e mundëson që me një procedurë të lidhesh edhe kurorë në moshën 16-vjeçare, meqë mosha mesatare është 30 vjeç, besojmë se në të ardhmen e afërt nuk do të ishte keq që edhe mosha e votimit të ishte 16-vjeç siç është në disa vende në botë, përfshirë edhe disa lande në Gjermani”, është shprehur Kurti, duke u fokusuar te shamia.

“Qëndrimi është që të mos ndalohet mbajtja e shamisë dhe elementeve të tjera fetare në jetën publike të qytetarëve. Mirëpo, kam thënë edhe se pragu është 16 vjet”. Kurti nuk sqaron se kujt i referohet për këtë kufi moshe në diçka që është specifikisht fetare. Pra ai s’ka kurrfarë të drejte të vendos për çështje që janë jashtë kompetencës së tij; ai thjesht detyrohet të mos pengojë asnjë qytetar apo qytetar, pavarësisht se çfarë vesh, në të drejtën për arsimim. Krahasimet që ai sjell me martesa apo votime, nuk kanë asnjë lidhje me çështjen në fjalë.

Deklarata e kryeministrit të Kosovës vjen në kohën kur në rrjetet sociale në Kosovë ka nisur një fushatë dhe peticion ku u bëhet thirrje institucioneve që të ndryshojnë udhëzimin administrativ të Ministrisë së Arsimit që ndalon veshjen e uniformave fetare në shkollat ​​e Kosovës.

Fushata është nisur nga Durim Berisha dhe Liridon Kurti, me një letër drejtuar Ministrisë së Arsimit dhe më pas mijëra qytetarë e kanë marrë kërkesën përmes rrjeteve sociale. Së fundmi është hapur një peticion për ndryshimin e këtij udhëzimi administrativ, i cili ka hyrë në fuqi në vitin 2014. Deri më tani, më shumë se 10,000 njerëz kanë nënshkruar peticionin.

Avokati Durim Berisha në përgjigjen e tij për AA thotë se një kërkesë e tillë vjen para fillimit të vitit të ri shkollor dhe se shpreson që një gjë e tillë të zgjidhet siç duhet, njëherë e përgjithmonë.

“Shpresojmë që kjo çështje të mos jetë më temë e diskutimit publik. Kërkesa është dorëzuar nga unë, sepse sipas nenit 55 të Kushtetutës, liritë dhe të drejtat themelore kufizohen vetëm me ligj, e jo me akte nënligjore siç është udhëzimi administrativ lëndor që pengon qasjen e barabartë në arsim. Miku im Liridon Kurti më pas nisi një fushatë në rrjetet sociale, e cila po merr një mbështetje të madhe nga qytetarët, si dhe një peticion online”, thekson Berisha.

Në peticionin në fjalë po ashtu theksohet se kufizimi i lirive dhe të drejtave themelore me akt nënligjor pengonte qasjen e barabartë në arsim për vajzat e fesë muslimane dhe se kjo dispozitë, si e tillë, është e kundërligjshme.

Ministria e Arsimit ka njoftuar më herët se “po merret me kujdes me aspektet ligjore dhe po rregullon çështjet e rëndësishme në mënyrën më të mirë të mundshme”.

“Ministria e Arsimit do të angazhohet në përmirësimin e sistemit arsimor dhe krijimin e një mjedisi të sigurt, të favorshëm dhe mbështetës për të gjithë, në të cilin askush nuk ndihet i përjashtuar apo i kërcënuar”, thuhet në njoftimin e ministries në fjalë.

Eksperti i politikave arsimore Rinor Qehaja thotë për AA se ndryshimi i udhëzimit administrativ procedural është lehtësisht i arritshëm me vullnet politik. Qehaja thekson se institucionet qeveritare duhet të garantojnë barazi në arsim për të gjithë nxënësit.

“Anulimi i një udhëzimi administrativ procedural është lehtësisht i arritshëm, veçanërisht për kategoritë e udhëzimeve për të cilat ka vlerësim të paligjshmërisë. Janë me dhjetëra direktiva administrative që kërkojnë shfuqizimin – është vullneti politik që i sjell këto ndryshime. Institucionet shtetërore duhet të garantojnë arsim të barabartë për të gjithë nxënësit. Eshtë për keqardhje që kjo po vihet në pikëpyetje,” theksoi Qehaja. /tesheshi.com/

 

 

You may also like