Kurti konfirmon ndarjen e 20 milionë eurove për import të energjisë elektrike

by admin
Spread the love

Kryeministri i Republikës së Kosovës, Albin Kurti ka konfirmuar ndarjen e 20 milionë eurove për import të energjisë elektrike.

Kurti ka thënë se ky vendim u mor mbrëmë në mbledhjen e 49 të Qeverisë.

“Së bashku do ta tejkalojmë edhe këtë krizë të madhe të energjisë, nëpër të cilën muajve të fundit po kalojnë të gjitha vendet e regjionit dhe Evropës”, ka shkruar mes të tjerash i pari i ekzekutivit.

Postimi i plotë:

Pas miratimit në Kuvend të buxhetit për vitin 2022, në vlerë prej 2 miliardë e 748 milionë, mbrëmë mbajtëm mbledhjen e 49-të të Qeverisë Republikës së Kosovës, në të cilën miratuam dy vendime.Pakos së Ringjalljes Ekonomike i shtuam masën 3.7 Mbështetje në tejkalimin e krizës energjetike.Ndamë 20 milionë euro për importin e energjisë elektrike, me qëllim të subvencionimit të konsumit, sigurimit të furnizimit stabil për qytetarët dhe të evitimit të rritjes së çmimit të energjisë.Së bashku do ta tejkalojmë edhe këtë krizë të madhe të energjisë, nëpër të cilën muajve të fundit po kalojnë të gjitha vendet e regjionit dhe Evropës.

Lexo lajme interesante

You may also like