Kupa e Shqipërisë/ Gola spektakolarë në finalen e Kupës, nis pjesa e dytë në “Air Albania”

by admin
Spread the love

Finalja e Kupës së Shqipërisë mes Vllaznisë dhe Laçit, është akti i fundit i sezonit në futbollin shqiptar, teksa në “Air Albania” do të përcaktohet jo vetëm fituesi i trofeut, por edhe skuadra që do të plotësojë katërshen europiane.

Para ndeshjes, disa mbështetës të Laçit kanë hedhur tymuese në fushën e lojës, duke e shtyrë sfidën me disa minuta. U desh disa kohë për të pastruar fushën nga këto tymuese, ku shihen dhe disa shenja në tapetin e “Air Albania”.

Vllaznia-Laçi 1-0 (Hoxhaj 18′ / Guindo 4′)

56′ – Drithërima në portën e Vllaznisë, Zogovic ndërhyn në shtyllën e parë ndaj goditjes së Velijës.

55′ – Pretendojnë për penallti shkodranët, por nuk është i këtij mendimi Lata në VAR.

50′ – Pasiguri e Krymit, përfiton Guindo që pason për Adeleken, që tenton portën rrafsh me tokën, por topi shkon ngjitur me shtyllën.

40′ – Mazrekaj jep një asist perfekt për Guindo nga mesfusha, perfekte ndërhyrja e Zogovicit.

36′ – Latifi provon saktësinë me një goditje të lirë, por topi shkon paksa mbi tra.

28′ – Kërkon një tjetër gol të mrekullueshëm Ardit Hoxhaj, por këtë herë koordinimi i tij është i dobët.

26′ – Lojë e rrezikshme e Ante Aralicas, Juxhin Xhaja e ndëshkon me karton të verdhë.

18′- Gooool! Barazohet sfida në “Air Albania”. Ftantastik krosimi i Latifit nga e majta e sulmit të kuqebluve, fantastike edhe shkëputja e Ardit Hoxhajn, që shënon me kokë në shtyllën e dytë, 1-1.

9’ – Pretendojnë 11-metërsh shkodranët pas ndërhyrjes së Zikos ndaj Da Silvas, por kryesori vijon lojën.

4′ – Goooool!Më pak se katër minuta i mjaftuan Laçit për të zhbllokuar rezultatin. Mazrekaj bukur topin për Velijan, i cili pason saktë për Guindon, që nuk gabon përballë Zogovicit, 0-1.

1′ – Nis me disa minuta vonesë finalja në “Air Albania”, për shkak të hedhjes së mjeteve piroteknike.

— Pikante banderola e ultrasve kurbinas: “Nuk ka Kukws, as Vllazni, vetwm Laçi në veri”.

Formacionet:

Vllaznia: Zogovic, Gurishta, Hakaj, Bulatovic, Adili, Krymi, Heric, Latifi, Da Silva, Aralica. Trajner: Mirel Josa.

Laçi: Dajsinani, Roganovic, Malota, Velkoski, Ziko, Deliu, Shehu, Velija, Adeleke, Mazrekaj, Guindo. Trajner: Shpwtim Duro.

Gjyqtar kryesor: Juxhin Xhaja.

Asistentë: Ilir Tartari, Dojando Myftari.
Gjyqar i katërt: Kreshnik Barjamaj.

VAR: Florian Lata, Nertil Bregasi.

Në “Air Albania” luhet jo vetëm për trofeun e Kupës së Shqipërisë, por edhe për të përcaktuar skuadrën e fundit që do të marrë një biletë për në eliminatoret e kupave europiane, me Vllazninë që ka vetë fatin e saj në dorë dhe Kukësin që pret rezultatin si spektator i interesuar.

Shkodranët e nisën sezonin me pretendime të mëdha, megjithatë rrugës bënë shumë gabime dhe tani e shohin veten duke luajtur një finale mjaft të rëndësishme, që do të përcaktojë jo pak edhe pretendimet e sezonit të ardhshëm.

Alban Xhaferri bleu aksionet e klubit bashkë me borxhet që ishin akumuluar ndër vite dhe ka shpenzuar jo pak gjatë këtij sezoni, aq sa shpesh ka pasur vështirësi edhe në kryerjen e pagesave, gjë që e ka pranuar edhe publikisht.

Pikërisht për këtë arsye, Europa shihet si një “varkë shpëtimi” në Shkodër, pasi jo vetëm do të sillte një trofe në qytet, por do të siguronte edhe të ardhura të konsiderueshme, minimalisht disa qindra milionë lekë, në varësi të ecurisë në eliminatore.

Në këtë mënyrë edhe për drejtuesit e klubit do të ishte më e lehtë të planifikonin ndërtimin e një skuadre pretendente edhe për sezonin e ardhshëm, megjithatë më parë ekipi aktual duhet të fitojë Kupën e Shqipërisë.

Nga ana tjetër Laçi vjen më i relaksuar, pasi ka siguruar prej javësh jo vetëm pjesëmarrjen në Europë, por edhe vendin e dytë, një arritje historike për kurbinasit, që tani e shohin Kupën vetëm si një trofe prestigji për ta shtuar në palmaresin e tyre.

Përballja Vllaznia-Laçi bëhet interesante edhe për faktin që është parë shpesh si një mini-derbi i veriut, që ka dhuruar emocione të forta vazhdimisht, por mbi të gjitha, se të dy skuadrat drejtohen nga dy emra të mëdhenj të trajningut në Shqipëri, Mirel Josa dhe Shpëtim Duro.

Akoma më intrigues është fakti që Josa ishte në pankinën e kurbinasve deri në muajin mars, për t’i lënë vendin Duros, ndërsa prej dy javësh ka marrë drejtimin e Vllaznisë dhe do të provojë t’i japë trofe pikërisht përballë të shkuarës.



Top Channel

Lexo lajme interesante

You may also like