Gazetarja shqiptare Beti Njuma ka komentuar së fundmi një episod të shëmtuar të ndodhur në emisionin ku të rinjtë janë në kërkim të dashurisë, “Përputhen”. Dy nga konkurrentet e këtij programi kanë tejkaluar çdo gjë, teksa pas disa sharjesh e fyerjesh me njëra-tjetrën, u përfshinë edhe në sherr fizik, ku njëra nga vajzat goditi me shpullë një prej vajzave të tjera.
Ky episod kaq i shëmtuar ka tërhequr vëmendjen e opinionit publik dhe jo vetëm, por edhe të disa figuraveve publike shqiptare. Në reagimin e bërë nga Beti Njuma në rrjete sociale, ajo tha se këto vajza të programit janë pasqyrë e realitetit të përditshëm.
“Pashë videon e sherrit të Përputhen, njëra me gjoksin te buzët e tjetra me buzët si gjoks. Habitem se sa shumë çuditet dynjaja! E ku qëndron problemi këtu?! Vajzat nuk kanë marrë përsipër t’i japin leksione edukate askuj! Ato thjesht janë pasqyrë e asaj që na përplaset në fytyrë çdo ditë.
Ato thjesht demostrojnë një përputhje të hatashme me të zgjedhurit e popullit. Fjala vjen, asgjë më pak se fjalori shembullor i politikanëve që janë dekriptuar nëpër përgjime apo sherret banale nga salla e parlamentit. Ç’është ky diskriminim? Ca linçohen e ca nderohen, e mandje edhe votohen!”- shkruan Beti Njuma në Facebook.
