Kryeministri i vendit, Dimitar Kovaçevski paralajmëroi që të premten do të fillojë dialog në mes Qeverisë, në fakt Ministrisë e Punës dhe Politikës Sociale dhe Asociacionit të Pensionistëve, me qëllim që të gjindet një metodologji për rritjen e pensioneve.
“Pagën minimale e arritëm me dialog të sindikatave dhe punëdhënësit, ndërsa rritja e pensioneve do të jetë rezultat i dialogut me shoqatat dhe asociacionet e pensionistëve e cila do të fillojë të premten. Qëllimi është që gjendet metodologji për rritje të pensioneve e cila do të jetë e qëndrushme edhe për Fondin e Sigurimit Pensional”, u shpreh Kovaçevski. /SHENJA/
