Kryeministri i Republikës së Kosovës ka reaguar pas ndeshjes së Kosovës ndaj Zvicrës, e zhvilluar sot në stadiumin e Letzingrud në Cyrih.
Kosova luajti baraz 1:1 me Zvicrën në ndeshje miqësore duke treguar paraqitje të mirë, shkruan Gazeta Express.
Pas kësaj ndeshje nuk ka munguar reagimi i Albin Kurtit.
“Një ndeshje miqësore mes dy vendeve mike që përfundoi me rezultat miqësor. Tashmë nuk ndodh edhe rrallë që kur Kosova luan futboll, në fushë janë më shumë se 11 lojtarë me prejardhje nga Kosova. E kur luajmë me Zvicrën është e pamundur të jetë ndryshe. Gjithsesi ndjenjë e veçantë krenarie e gëzimi të shohim djemtë tanë në fushën e gjelbër”, shkroi Kurti në Instagram.
