KOPENHAGË, 11 nëntor /ATSH-DPA/ – Në Suedi, dy vëllezër janë akuzuar për spiunazh të rëndë në emër të Rusisë, njoftoi prokuroria suedeze.
‘’Pjesa më e madhe e informacionit në hetimin kompleks është sekret dhe dyshimi kundër dy burrave i referohet një krimi të rëndë kundër sistemit suedez të inteligjencës dhe sigurisë’’, shpjegoi kryeprokurori Per Lindqvist.
Informacioni i marrë, i transportuar dhe i zbuluar ilegalisht mund të dëmtojë sigurinë e Suedisë në duart e një fuqie të huaj.
Dy burrat kanë qenë në paraburgim përkatësisht që nga shtatori dhe nëntori 2021.
Sipas raportimeve të mediave suedeze, njëri prej të dyve kishte mbajtur një pozicion të lartë në një agjenci shtetërore suedeze në kohën e arrestimit të tij dhe kishte punuar më parë për shërbimet e inteligjencës suedeze.
Të dy të akuzuarit i kanë mohuar akuzat. /os/
