Konyaspori vazhdon të shkëlqejë në Superligën turke dhe së bashku me të edhe lojtarët shqiptarë që aktivizohen. Kështu në ndeshjen e fundit, Konyaspor mposhti me poker Gaziantep në shifrat 4-1.
Siparin e golave e hapi mesfushori shqiptar Endri Çekiçi i cili gjeti rrugën e rrjetës në minutën e 32. Një gol plotësisht shqiptar pasi edhe asisti erdhi nga lojtari i kombëtares së Kosovës, Zymer Bytyqi.
Ky është goli i pestë për Endri Çekiçin në Superligën e Turqisë. Në këtë takim u aktivizua edhe sulmuesi i kombëtares shqiptare Sokol Cikalleshi. Ky i fundit u hodh në fushën e lojës në minutën e 65-të duke zëvendësuar Zymer Bytyqin. /oversport.tv
