Koncerti i Rita Orës në Tiranë, Artan Fuga ngre pyetjen: Kush e paguan, se mos është para publike or tej

by admin
Spread the love

Një ditë pas koncertit të këngëtares shqiptare me famë botërore, Rita Ora, në Tiranë, pedagogu Artan Fuga ka ngritur një pyetje. Përmes një postimi në rrjetet sociale, Fuga thekson se nuk ka asnjë informacion se kush e paguan këngëtaren.

Fuga thekson se do të dijë se kush e paguan, nëse paguhet, dhe sa para merr për një koncert?

“Kur shoh informacionet në media, gjithmonë pyes: Këta na japin lajme për koncertet e Ritës, por nuk kemi asnjë dijeni se kush e paguan atë.

I bën falas në shesh, për bamirësi? Në këtë rast do t’i hiqja kapelen, ndonëse edhe poqe se kërkon lekë nuk ka ndonjë të keqe?

Por, kush e paguan, nëse paguhet, dhe sa para merr për një koncert?

Se mos është para publike or tej!!!

Se pastaj do ishte një formë e shëmtuar korrupsioni, ndonëse nuk besoj asnjë sekondë se e bën Rita atë. Te merrte para që duhej të shkonin për biblioteka, shkolla, ambulanca, etj., për koncerte në shesh!

Thjesht për ta ditur? Për informacion!

Jo se interesohem për koncerte në shesh!

A ka ndonjë gazetar investigativ a ndonjë media që interesohet për këtë, apo e kanë shpallur sekret strategjik!”, shkruan Fuga.

You may also like