Në orën 15:00 të ditës së sotme, ekipi kombëtar zbriti në fushë nën urdhrat e trajnerit Edi Reja. Kuqezinjtë po përgatiten për ndeshjet e fundit kualifikuese të Katar 2022, fillimisht në transfertë ndaj Anglisë më datë 12 nëntor dhe pas tre ditëve në shtëpi ndaj Andorrës.
Ndërkohë, në seancën e sotme, ndryshe nga ajo e kaluara, portieri Tomas Strakosha ishte në stërvitje si normalisht duke kaluar një problem të vogël që e shqetësonte në gju. Nga ana tjetër, vlen të theksohet se kjo e sotmja ishte seanca e parë stërvitore për Marash Kumbullën dhe Bekim Balajn, të cilët mbërritën vetëm dje në mbrëmje grumbullim.
Sakaq, seanca e sotme stërvitore do të jetë një e vetme dhe do të zgjasë 60 minuta duke qenë se të gjithë lojtarët janë të gatshëm fizikisht. Sa i përket Armando Brojës, në stafin e kuqezinjve kanë besim se lojtari do ta kalojë problemin në kavilje dhe do të jetë i gatshëm për Anglinë, ndërsa kombëtares do të mund t’i bashkohet vetëm në Londër. Aktualisht, sulmuesi është nën mbikëqyrjen e stafit mjekësor të Sauthhampton./ Supersport
Top Channel
//Google Analytics window.dataLayer = window.dataLayer || []; function gtag(){dataLayer.push(arguments);} gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId : '1715618661991455', xfbml : true, version : 'v2.10' }); FB.AppEvents.logPageView(); };
(function(d, s, id){ var js, fjs = d.getElementsByTagName(s)[0]; if (d.getElementById(id)) {return;} js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
