Olympique de Marseille dhe Paris Saint-Germain u ndeshen sonte në Stade Orange Velodrome në atë që njihet si ‘Le Classique’, në kuadër të javës së 11-të në Ligue 1.
Klasikja franceze u mbyll pa gola, me rezultat të bardhë 0-0.
Luan Peres e futi topin në rrjet për skuadrën nikoqire në minutën e 14, mirëpo pas konsultimit të VAR-it, goli u anulua për pozitë jashtë loje.
Njësoj ndodhi edhe në minutën e 21-të kur Arkadiusz Milik reagoi pa ndonjë shqetësim për të shënuar, por përsëri ndërhyri VAR-i dhe goli u anulua për pozitë jashtë loje.
Skuadra e PSG-së nga minuta e 57’të luajti me një lojtarë më pak, ishte Hakimi ai që u përjashtua me të kuq.
PSG është lider i kampionatit francez me 28 pikë të arkëtuara nga nëntë fitore dhe vetëm një humbje në dhjetë ndeshje të zhvilluara.
Në anën tjetër, Marseille renditet në pozitën 4 me 18 pikë. /Insporti.com
