KINEMA – Vdes Anouk Aimee ylli i “La Dolce Vita”

by admin
Spread the love

PARIS, 18 qershor /ATSH/ – Ka ndërruar jetë në moshën 92-vjeçare aktorja franceze Anouk Aimee, protagonistja e paharrueshme ndër të tjera e filmit ”La Dolce Vita” dhe ”8½” të Federico Fellinit, së bashku me Marcello Mastroiannin, shkruan corriere.it.

Ndër filmat në të cilët ajo ishte protagoniste, ishte edhe ”A Man, a Woman” nga Claude Lelouch.

Në vitin 2002 ajo u nderua me çmimin ”César” dhe në vitin 2003 me ”Ariun e Artë” për arritjeve në karrierë në Festivalin e Filmit në Berlin.

”Me vajzën time, Galaad, dhe mbesën time, Mila, kemi trishtimin e pamasë për të njoftuar ndarjen nga jeta të nënës sime, Anouk Aimee”, shkroi në Instagram vajza e aktores, Manuela Papatakis.

Anouk Aimée, Nicole Françoise Florence Dreyfus, u lind më 27 prill 1932 në Paris.

Ajo ishte një nga aktoret më ikonike të kinemasë franceze.

Karriera e saj, e cila filloi në vitet 1940, u karakterizua nga shfaqje të paharrueshme dhe një prani unike në skenë, gjë që e bëri atë një figurë udhëheqëse në skenën ndërkombëtare të kinemasë.

”La Dolce Vita” (1960)

Anouk Aimee është e famshme për rolin e saj të paharrueshëm në filmin “La Dolce Vita” të Federico Fellinit, ku luajti së bashku me Marcello Mastroianni.

Filmi, një klasik i kinemasë italiane, ishte një pikënisje për karrierën e saj, duke e bërë të njohur dhe vlerësuar në mbarë botën.

”Un homme et une femme” (1966)

Një tjetër rol i rëndësishëm në karrierën e Aimée ishte në “Një burrë, një grua” (Un homme et une femme) nga Claude Lelouch. Ky film romantik konsolidoi më tej famën e saj, duke dhënë një performancë që i dha asaj vlerësime dhe çmime të shumta, duke përfshirë nominimet për ”Golden Globe” dhe Oscar.

Filma të tjerë në të cilët luajti Anouk Aimée

Anouk Aimée punoi me disa nga regjisorët më të mëdhenj të kohës së saj, duke u shfaqur në filma si “Lola” e Jacques Demy, “8½” e Federico Fellini dhe “Cat” e Pierre Granier-Deferre.

Shkathtësia e saj e ka lejuar atë të luajë një gamë të gjerë rolesh, nga drama romantike deri te filmat artistikë.

Nderimet dhe çmimet

Karriera e Anouk Aimée ka qe në e mbushur me çmime prestigjioze.

Ajo fitoi çmimin për aktoren më të mirë në Festivalin e Filmit në Kanë dhe një ”Golden Globe”, si dhe u nominua në ”Academy Awards”.

Eleganca dhe talenti i saj janë njohur në mbarë botën, duke e bërë atë një nga aktoret më të respektuara dhe më të admiruara të brezit të saj./   /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

You may also like