KIEV – Zelensky kërkon sanksione të reja kundër Rusisë

by admin
Spread the love

KIEV, 27 korrik /ATSH-DPA/ – Presidenti ukrainas, Volodymyr Zelensky i ka bërë thirrje Perëndimit që të vendosë sanksione të tjera ndaj Moskës, pas njoftimit për shkurtime të mëtejshme në furnizimet me gaz rus në Evropë.

Zelensky tha në fjalimin e tij të përditshëm se ”tani është e qartë për të gjithë se Rusia po mban peng Evropën dhe po përdor gjigantin e energjisë ‘Gazprom’ për ta bërë këtë dimër më të ashpër për vendet evropiane”.

”Moska po nxit qëllimisht një rritje të çmimit të gazit në ekuivalentin e më shumë se 2 000 euro për 1 000 metra kub në bursë”, tha Zelensky duke shtuar se ishte e nevojshme t’i përgjigjemi terrorit me sanksione.

Përveç sanksioneve, Zelensky theksoi nevojën që ”opinioni publik rus të dijë koston njerëzore të luftës. Ndërsa rreth 40 000 ushtarë rusë kanë humbur jetën që nga fillimi i luftës, shoqëria ruse në tërësi ka mbetur në padije ​​për numrat”, tha Zelensky./  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Artikulli paraprakKërkesa e AIDSSH për ndryshim ligji, Nikolla takim me Ballën

Lexo lajme interesante

You may also like