ODESA, 24 korrik /ATSH-DPA / -Rusia lëshoi raketa në portin e Odessa të shtunën, një ditë pas arritjes së një marrëveshjeje për eksportin e grurit ukrainas përmes Detit të Zi, duke ndaluar sulme të tilla, sipas Kievit.
“Dje u ra dakord për eksportin nga deti dhe sot rusët po sulmojnë portin e Odessa-s”, theksoi shefi i zyrës presidenciale të Ukrainës, Andrii Yermak.
Sipas ushtrisë ukrainase, dy raketa ruse u kapën nga mbrojtja ajrore dhe dy të tjera goditën portin tregtar.
Në marrëveshjen e së premtes, Rusia mori përsipër që anijet të lundronin nëpër një korridor detar dhe të mos qëllonin mbi to. Portet e përfshira gjithashtu nuk duhej të sulmoheshin.
Presidenti ukrainas Volodymyr Zelensky akuzoi Rusinë për shkeljen e marrëveshjes. “Çfarëdo që Rusia premton, ajo gjithmonë gjen një mënyrë për të mos e mbajtur atë,” tha ai.
”Sulmi raketor hedh dyshime mbi marrëveshjen e nënshkruar në Stamboll”, tha Oleg Nikolenko, një zëdhënës i ministrisë së jashtme në Kiev.
Me raketat e tij, presidenti rus Vladimir Putin po “pështyn në fytyrë” sekretarin e Përgjithshëm të OKB-së, António Guterres dhe presidentin turk, Recep Tayyip Erdoğan. /os/
