Presingu që Juventusi po bën për të afruar në ekip Nicolo Zaniolon duket se po jep efektet e para. Së fundmi sipas mediave italiane, drejtuesit e Romës janë të hapur për shitjen e lojtarit drejt “Zonjës së Vjetër”.
Klubi kryeqytetas i ka bërë me dije Juventusit se mund të shesë Zaniolon edhe në formë huazimi me detyrim blerjeje. Formula që ata kanë kërkuar është një huazim duke paguar një shumë të majme, e më pas pjesa tjetër do të plotësohet në sezonin e ardhshëm.
Për sa i përket çmimit, Roma nuk dëshiron të zbresë poshtë 50 milionë euro për të lënë të lirë Nicolo Zaniolo. Megjithatë, palët janë duke punuar dhe marrëveshja mund të arrihet shumë shpejtë. /oversport.tv
Foto: AS Roma, Facebook