Gjatë fundjavës që sapo lamë pas, familjarët e këngëtarit të njohur Luiz Ejlli hapën një llogari në GoFundMe, ku të gjithë ndjekësit e këngëtarit kanë mundësi të kontribuojnë dhe të derdhin para në llogari të banorit të Big Brother VIP Albania.
Kjo llogari që është hapur nga kunati i Luizit, Sokoli, i cili e surprizoi këngëtarin gjatë spektaklit të së shtunës është promovuar ditën e sotme edhe në llogarinë personale të vetë Luizit në Instagram.
“SQARIM: GoFundMe është një platformë amerikane dhe është platforma më transparente e mbledhjes së fondeve për çdo nevojë, plotësim ëndrrash apo ndodhi të tjera jetësore. Prandaj familja zgjodhi këtë platformë zyrtare mbështetjeje për fansat e Luizit që kanë shprehur këtë dëshirë”.- shkruhet në faqen zyrtare të Luizit.
Deri tani, 124 persona kanë kontribuar me 11,255$ dollarë për Luiz Ejllin, ndërsa kontributet vazhdojnë të rriten për të kapur shifrën 250,000 dollarë, që në fakt është më e lartë se çmimi i “BBV”.
