Italia fiton supersfidën e mbrëmjes në Nations League, pasi mposhti minimalisht 1-0 në “San Siro” Anglinë. Një gol I Raspadorit në pjesën e dytë vulosi fatin e ndeshjes, që u dominua nga skuadra e Mancinit.
Në ndeshjen tjetër të grupit Hungaria dhuroi surprizën e radhës pasi fitoi 1-0 në transfertë përballë Gjermanisë. Szalai ishte heroi i hungarezëve në “Red Bull Arena”, pasi goli i tij i dha një trepikësh të artë skuadrës së Rossit.
Hungaria kryeson grupin me 10 pikë, ndërsa Italia ngjitet e dyta me 8 pikë. Vendimtare për kualifikimin në Final Four do të jetë përballja direkte mes dy skuadrave. Ndërkohë Anglia do të luajë në Ligën B të Nations League sezonin tjetër.
Bosnja ka mposhtur 1-0 Malin e Zi dhe falë këtij suksesi ka siguruar vendin e parë në grup dhe sezonin tjetër do të luajë në Ligën A. Finlanda ka barazuar 1-1 në shtëpi me Rumaninë në ndeshjen tjetër të grupit 3 të Ligës B.
Gjeorgjia mposht 2-0 Maqedoninë, blindon vendin e parë në grup dhe ngjitet në Ligën B. Bullgaria fiton thellë 5-1 përballë Gjibraltarit, ndërsa Estonia mposht 2-1 Maltën. / Oversport.tv
Foto: Italy Twitter
Hungary win in Germany as Italy relegate England…
All the results 👇👇👇#NationsLeague pic.twitter.com/Hk41fhyEjR
— UEFA Nations League (@EURO2024) September 23, 2022
