Italia nuk ka kohë për të humbur dhe gjatë ditës së djeshme ka bërë prova për formacionin që do të zbresë në fushën e lojës kundër Francës. Trajneri është duke përçuar prej kohësh idenë për të luajtur me 3 mbrojtës, duke qenë se lojtarët i përshtaten më së miri.
Lajmet pozitive vijnë nga mbrojtja, ku Alesandro Bastoni nuk ka asgjë serioze dhe është stërvitur me grupin. Kjo do të thotë se mbrojtësi i Interit do ta nisë si titullar ndeshjen kundër “Gjelave”. Në portë do të jetë si gjithmonë Donaruma, ndërsa në linjën me 3 mund të rreshtohen Di Lorenco, Bastoni dhe Kalafiori.
Në krahun e djathtë do të luajë Kambiazo, ndërsa Dimarko në të majtë. Mesfusha do të përbehet nga Riçi përpara mbrojtjes, ndërsa Fratezi dhe Tonali pak më të spostuar përpara. Dyshja e sulmit me Raspadorin dhe Retegin për të kërkuar të çajë “murin” e Francës.
PANORAMASPORT.AL
