Në axhendën e Interit nuk është vetëm rinovimi i Milan Skriniar, që tashmë është në pikën kulmore të negociatave me klubin zikaltër dhe shumë shpejt pritet që të zyrtarizohet zgjatja e bashkëpunimit.
Ditët e ardhshme do të jenë të rëndësishme edhe për Matteo Darmian, mbrojtësin që vlerësohet shumë si nga drejtuesit e klubit edhe nga tekniku Inzaghi.
Lojtari do të mbushë 33 vjeç në 2 dhjetor dhe nuk përjashtohet mundësia që të festojë ditëlindjen me një kontratë të re. Më ngadalë vazhdojnë bisedimet me D’Ambrosio, De Vrij dhe Dzeko, që pritet të rinovojnë në muajt e ardhshëm. / Oversport.tv
