Idajet Beqiri paralajmëron zhvillime të bujshme: Pas dëshmisë në Prokurori, ja çfarë e pret Berishën

by admin
Spread the love

Prokuroria e Tiranës mori dje në pyetje organizatorin e protestës së 8 janarit, ish kryeministrin Sali Berisha, mbi ngjarjet e dhunshme në selinë e Partisë Demokratike.

Ish kryeministri Sali Berisha u mor dje në pyetje për më shumë se dy orë nga prokurorët e kryeqytetit, të cilët po hetojnë dhunën masive, që shpërtheu gjatë protestës së organizuar prej tij fundjavën e kaluar në selinë e Partisë Demokratike. Avokati Idajet Beqiri mendon se kjo gjë nuk do të përfundojë me kaq. Sipas tij, pas dëshmisë në Prokurori, Organi i Akuzës mund ta çojë Berishën si të pandehur.

Deklarata e Beqirit:

“Ai duhet të merrej me forcë, për të dhënë deklarimet e tij për më shumë se dy orë. Në fakt ne jemi në fillimet e një shteti që po fillon të bëhet serioz. Sali Berisha duhet të shkonte si person nën hetim. Ai ishte organizatori i protestës së dhunshme. Ajo dhunë pati si protagonist kryesor Sali Berishën. Dje ai u thirr si deklarues. Prapë se prapë kjo ka të mirën e vet. Shqiptarët duhet ta dinë se kur vete të deklarosh për dy orë, prokurorët të pyesin, se çfarë ka ndodhur, kush e organizoi dhe të gjitha me radhë. Pra me gjithë këto deklarime që ai ka dhënë do ta çojë organin e akuzës që ta çojë si të pandehur, pjesë e këtij grupi që është si kryesor. Pra kjo çështje nuk mbyllet thjesht me deklarime. Kjo do të çojë organin e akuzës të çojë në hetime atë që ka bërë faj. Krimet në selinë demokratike janë shumë të rënda. Do ketë zhvillime të tjera”, tha Idajet Beqiri.

Lexo lajme interesante

You may also like